పచ్చికను దిన నొల్లదు పాడి యావు

శ్రీ కంది శంకరయ్య గారు "శంకరాభరణం" బ్లాగునందు 22 - 10 - 2013 న ఇచ్చిన
సమస్యకు నా పూరణ.


సమస్య - పచ్చికను దిన నొల్లదు పాడి యావు


తేటగీతి:
ఆవురావురనుచు గడ్డినంత మేసి
అరగకదిపుడు జైలునకరిగె కొంద
రనెడు మాటలకర్థంబు నరయలేక
పచ్చికను దిన నొల్లదు పాడి యావు

తేటగీతి:
పట్నమందలి యావును పట్టితెచ్చి
పంటపొలముల దిప్పగ పల్లెనందు
నాగరీకపు తిండిలా నచ్చకేమొ
పచ్చికను దిన నొల్లదు పాడి యావు