శిశిరముఁ గాంచి యెందులకు చింత వసంతము రాకపోవునే

శ్రీ కంది శంకరయ్య గారు "శంకరాభరణం" బ్లాగునందు 12 - 04 - 2013 న ఇచ్చిన
సమస్యకు నా పూరణ.


సమస్య - శిశిరముఁ గాంచి యెందులకు చింత వసంతము రాకపోవునే

చంపకమాల:
మశకము వోలె కష్టములు మాటికి మాటికి కుట్టుచుండెనా
దశలవి మారుచుండు గద దాటును కష్టములట్లెయుండునా
శశికళలెన్నొ హెచ్చుచును సంతసమందగ పున్నమౌనుగా
శిశిరముఁ గాంచి యెందులకు చింత వసంతము రాకపోవునే?