తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Thursday 4 April 2013

తారా రమ్మని పిల్చె శంకరుఁడు సంధ్యావేళ నుత్సాహియై.

శ్రీ కంది శంకరయ్య గారు "శంకరాభరణం" బ్లాగునందు 21-03-2012 న ఇచ్చిన సమస్యకు నా పూరణ.

సమస్య - తారా రమ్మని పిల్చె శంకరుఁడు సంధ్యావేళ నుత్సాహియై.

శార్దూలము:
వారంబుల్ మరి రెండు మూడు గడిచెన్ వారొంది రస్వస్థతన్
ఈరోజే మరి తాను స్వస్థుడవగా నిప్పట్టు శార్దూలమున్
పూరించంగ సమస్య నిచ్చె సరిగా పోరాడి మీరే గెలు
స్తారా రమ్మని పిల్చె శంకరుఁడు సంధ్యావేళ నుత్సాహియై. 
 

సరదాగా..

శార్దూలము:
శ్రీ రామ్ రాజ్యమ్ము హిట్టయెన్ అనెనిటున్ శ్రీ సాయి బాబా వరుల్
ఈ రోజో మరి రేపొ క్రొత్త సినిమా కీ దర్శకుల్ శంకరే
హీరో బాలయ శంకరా ఎవరికన్ హీరోయినన్నన్, నయన్
తారా, రమ్మని పిల్చె శంకరుఁడు సంధ్యావేళ నుత్సాహియై

No comments: