తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Wednesday 3 April 2013

పండు వెన్నెల లివె యమావాస్య గురిసె

శ్రీ కంది శంకరయ్య గారు "శంకరాభరణం" బ్లాగునందు 20-03-2012 న ఇచ్చిన సమస్యకు నా పూరణ.

సమస్య - పండువెన్నెల లివె యమావాస్యఁ గురిసె.

తేటగీతి:
ప్రమిద లెన్నియో వెలిగించ ప్రమదలచట
చిచ్చు బుడ్లు మతాబులు హెచ్చు గాను
పిల్ల లందరు గాల్చగా వెల్లి విరిసి
పండువెన్నెల లివె యమావాస్యఁ గురిసె.


తేటగీతి:
చిన్ని గుండెకు పడె చిల్లి, చిట్టి తండ్రి
వేదనార్పగ నల్లాడె పేద తల్లి
దాత లెందరో కలసి చేయూత నీయ
పండు వెన్నెల లివె యమావాస్య గురిసె

No comments: