తమ్ములను నుతింతు నెమ్మనమున

శ్రీ కంది శంకరయ్య గారు "శంకరాభరణం" బ్లాగునందు 13-01-2012 న ఇచ్చిన సమస్యకు నా పూరణ

సమస్య - తమ్ములను నుతింతు నెమ్మనమున

ఆటవెలది: 

శ్రద్ధ తోడ సలుప సత్య దేవు వ్రతము

పిలచినాడ నేను ప్రియము గాను

అక్క చెల్లి మరియు నగ్రజు నిద్దరు

తమ్ములను, నుతింతు నెమ్మనమున

ఆటవెలది:

శంకరయ్య గారి 'శంకరా భరణమ్ము'

కల్ప వృక్ష మాయె కవి వరులకు

కదలి చేరి పలుకు కవికోకిలల కూజి

తమ్ములను నుతింతు నెమ్మనమున