గుణవంతున్ దెగనాడి నాతి వలచెన్ గోవర్ధనోద్ధారకున్.

శ్రీ కంది శంకరయ్య గారు "శంకరాభరణం" బ్లాగునందు 04-12-2011 న ఇచ్చిన సమస్యకు నా పూరణ

సమస్య - గుణవంతున్ దెగనాడి నాతి వలచెన్ గోవర్ధనోద్ధారకున్.

(మీరా బాయి పరంగా...)  
మత్తేభము:
ఘనుడా ద్రౌపది మాన రక్ష కుడినే గానంబుతో మీర 'నా
తనువే కృష్ణుని కంకితం' బని భువిన్ తా మానసంబందునన్
మనువాడంగను మానవాధములనే మన్నించకే యిట్టి దు
ర్గుణవంతున్ దెగనాడి నాతి వలచెన్ గోవర్ధనోద్ధారకున్.