కుందేటికి మూడు కాళ్ళు కుక్కకు వలెనే.

శ్రీ కంది శంకరయ్య గారు "శంకరాభరణం" బ్లాగునందు 29-10-2011 న ఇచ్చిన సమస్యకునా పూరణ

సమస్య - కుందేటికి మూడు కాళ్ళు కుక్కకు వలెనే.

ఒక పెంపుడు కుక్కను, కుందేలును ఆకతాయి పిల్లలు రాళ్ళువేసి కొట్టగా కాలు విరిగినదని చెప్పుకున్న సందర్భం...
కందము:
ముందే విరిగెను కుక్కకు
కుందేటికి నిన్న విరిగె కుడికాలొకటే
సందున పిల్లలు కొట్టగ
కుందేటికి మూడు కాళ్ళు కుక్కకు వలెనే.

కందము:
చందూ బొమ్మలు వేసెను
కుందేలును కుక్క నొకటి, కునుకున మరచెన్
పొందికగా లేచి కనగ
కుందేటికి మూడు కాళ్ళు, కుక్కకు వలనే.