ఎద్దును జేరి పాల్పితుక నెంచెడి కృష్ణు దలంతు నెమ్మదిన్.

శ్రీ కంది శంకరయ్య గారు "శంకరాభరణం" బ్లాగునందు 28-08-2011 న ఇచ్చిన సమస్యకు నా పూరణ.

సమస్య - ఎద్దును జేరి పాల్పితుక నెంచెడి కృష్ణు దలంతు నెమ్మదిన్.

ఉత్పలమాల:

ప్రొద్దున లేచి గోష్టమున బోవగ పాలకు, చూడ నడ్డమై

హద్దులు దాటి వచ్చి నట యావును హద్దులు దాటునట్లుగా

రుద్దుచు నున్న, లాగి భళిరో! యని గాటకు కట్టి వైచి యా

ఎద్దును; జేరి పాల్పితుక నెంచెడి కృష్ణు దలంతు నెమ్మదిన్.