స్వాతంత్ర్యము దేశజనుల చావుకు వచ్చెన్.

శ్రీ కంది శంకరయ్య గారు "శంకరాభరణం" బ్లాగునందు 15-08-2011 న ఇచ్చిన సమస్యకు నా పూరణ.

సమస్య - స్వాతంత్ర్యము దేశజనుల చావుకు వచ్చెన్.
కందము:
మాతా ! సోనియ ! వందే
మాతర మేతరము కైన మాగతి మీరే !
మాతరమే కాదందురు
స్వాతంత్ర్యము దేశజనుల చావుకు వచ్చెన్.

కందము:
స్వాతంత్ర్యము దెచ్చిన ఘన
నేతలు కనులార జూచి నేడీ గతియున్
ప్రీతిని జెందక యందురు
'స్వాతంత్ర్యము దేశజనుల చావుకు వచ్చెన్'.