సంహరించు వాఁడు సచ్చరితుఁడు.

శ్రీ కంది శంకరయ్య గారు "శంకరాభరణం" బ్లాగునందు 14-08-2011 న ఇచ్చిన సమస్యకు నా పూరణ.

సమస్య - సంహరించు వాఁడు సచ్చరితుఁడు.

ఆటవెలది:
పాపి యైన గాని పరివర్తనము జెంది
హరి ! హరి ! యని వేడ నార్తి తోడ
పాపములను తీసి భక్తుల  కోసమై
సం హరించు 'వాఁడు' సచ్చరితుఁడు.
ఆటవెలది:
పుడమి బాధ దీర్చ పుట్టుచు ప్రతి సారి
హాయి నిచ్చు వాడు  హరియె, చూడ
శిష్ట జనుల గాచి దుష్టల తాబట్టి
సంహరించు 'వాఁడు' సచ్చరితుఁడు.