శ్రీ కంది శంకరయ్య గారు "శంకరాభరణం" బ్లాగునందు 17-07-2011 న ఇచ్చిన సమస్యకు నా పూరణ.
సమస్య - పుట్టినదిన మని విషాదమున విలపింతున్.
కందము:
వట్టిగ కాలము నెట్టుచు
గట్టిగ పది మంది మెచ్చు కార్యము నొకటిన్
పట్టని నాకెందులకీ
పుట్టినదిన మని విషాదమున విలపింతున్.
కందము:
గట్టిగ అణుబాంబును కని
పెట్టిన దినమది, కనంగ పెను ముప్పులనే
పుట్టిని ముం 'చెడు ' బుద్ధులు
పుట్టినదిన మని విషాదమున విలపింతున్.
కందము:
గిట్టిన రోజును 'దినమని'
గట్టిగ చెప్పుదుము గాదె, గాడ్సే వలెనే
పుట్టను పట్టిన చెదలన్
పుట్టిన, 'దినమని' విషాదమున విలపింతున్.
No comments:
Post a Comment