శ్రీ కంది శంకరయ్య గారు "శంకరాభరణం" బ్లాగునందు 12-07-2011 న ఇచ్చిన సమస్యకు నా పూరణ.
సమస్య - అడవిఁ గాచిన వెన్నెల హాయి నొసఁగె.
తేటగీతి:
వ్రాసె నాయొక్క అభిమాన రచయిత మరి
పూర్తి యగు దాక విడలేదు పొత్తము కొని
కోరి చదివితి నీనాడు క్రొత్త నవల
'అడవిఁ గాచిన వెన్నెల' హాయి నొసఁగె.
తేటగీతి:
అరయగా నరణ్యమునకు నర్థమేమి?
వెన్న నేమి జేయగ వచ్చు వేడి నేయి?
నిండు పున్నమి యేమిచ్చె నేడు నీకు?
అడవిఁ - గాచిన - వెన్నెల హాయి నొసఁగె.
తేటగీతి:
ప్రభుత పథకమ్ము లన్నియు పట్టి జూడ
నడవిఁ గాచిన వెన్నెల, హాయి నొసఁగె
పద్మనాభుని యనంత పడగ నీడ
పడగ లెత్తిన నిధి కన పడగ నేడు.
తేటగీతి:
రంగురంగుల చిత్రమ్ము రమణి గీయ
చూచి నాడను, మెచ్చితి చూడ నాకు
'అడవిఁ గాచిన వెన్నెల హాయి నొసగె
ను సెలయేటి పై మెరయుచు నున్న తళుకు'.
No comments:
Post a Comment