తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Sunday 25 September 2011

వేప చెట్టున గాసెను వెలగ పండ్లు .

శ్రీ కంది శంకరయ్య గారు "శంకరాభరణం" బ్లాగునందు 05- 05 - 2011 న ఇచ్చిన  సమస్యకు నా పూరణ.

                 
               సమస్య - వేప చెట్టున గాసెను వెలగ పండ్లు .


తే.గీ:  వెలగ చెట్టు ప్రక్కన కరి వేప నాటి
         నేను బెంచితి పెరడున నీరు బోసి
         పెరిగి నేడవి, చిగురాకు వేసెను కరి
         వేప, చెట్టున గాసెను వెలగ పండ్లు. 

తే.గీ:  పెండ్లి యింటికి ముందున్న వేప చెట్టు
         పైన గట్టిరి చిరు లైట్లు పండ్లవలెను

         వేప పండ్లకు ప్రక్కన వెలుగు చుండ
         వేప చెట్టుకు గాసెను వెలగ, పండ్లు.

No comments: