శంకరాభ(పూ)రణం - శ్రమము నందు మనకు శాంతి దొరకు .....

శ్రీ కంది శంకరయ్య గారు "శంకరాభరణం" బ్లాగునందు 15 -03 -2011 న ఇచ్చిన  సమస్యకు నా పూరణ.

                 సమస్య : శ్రమము నందు మనకు శాంతి దొరకు

ఆ.వె : దేహ వాంఛ  వదలి, దేవుని ధ్యానంబు
          సతత మచట సలిపి, సాధకులకు
          నుచిత రీతిని, తగు యుద్బోధ జేయునా
          శ్రమము నందు మనకు శాంతి దొరకు!

ఆ.వె : ఆడ పిల్ల 'శాంతి ' నారు యేండ్ల క్రితము
          వదలి వెళ్ళినాము వలదననుచు!
          మనసు మారె నిపుడు, మాత సులక్షణా
          శ్రమము నందు; మనకు "శాంతి" దొరకు!!