తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Sunday 3 July 2011

శంకరాభ(పూ)రణం - హర,హర,శంకరా,యనుచు నాలిని కౌగిట జేర్చె.....

శ్రీ కంది శంకరయ్య గారు "శంకరాభరణం" బ్లాగునందు 02 -03 -2011 న ఇచ్చిన  సమస్యకు నా పూరణ.

                  సమస్య :  హర,హర,శంకరా,యనుచు నాలిని కౌగిట జేర్చె బ్రేమతో.

ఒకప్పుడు భార్యపై శంకతో కొట్టిన భర్త తప్పు తెలుసుకొని చేరదీసిన సమయంలో
అన్న మాటలు.అతనికి హరా! అనటం అలవాటు.

చం:  కొరకొర జూచి కొట్టితిని కోపము తోడను శంకతో, హరా!
       చరచర ఈడ్చినాను నిను చావిడి బైటకు నాడు, నేటితో
       పొరలవి వీడి పోయినవి పొల్పుగ, నీయెడ యెంచనెప్పుడున్
       హర!హర! శంక; రా!యనుచు నాలిని కౌగిట జేర్చె బ్రేమతో. 

No comments: