శంకరాభ(పూ)రణం - రంగవల్లి యుద్ధరంగ మయ్యె.....

శ్రీ కంది శంకరయ్య గారు "శంకరాభరణం" బ్లాగునందు 10 -02 -2011 న ఇచ్చిన  సమస్యకు నా పూరణ.
           
                        సమస్య:  రంగవల్లి యుద్ధరంగ మయ్యె.

ఆ.వె:  'రంగ ' డడిగె వంద రమ్మును త్రాగంగ
           ఒల్ల ననియె భార్య 'వల్లి ' యపుడు
           ఊరి వారి నడుమ పూరి గుడిసె ముందు
           రంగ-వల్లి, యుద్ధ రంగ మయ్యె. 

ఆ.వె:   అతివలంత గూడి ఆవూరి కూడలి
            మ్రుగ్గు లేసి తాము మురియుచుండ,
            తంద నాలనాడ    త్రాగుబోతులు వచ్చి
            రంగవల్లి యుద్ధ రంగమయ్యె. 

ఆ.వె:   మంత్రగాడు యొకడు మంచి మ్రుగ్గులు వేసి
            దయ్యము నట జేర తాను బిలిచె
            భూత మాంత్రి కునకు భూతమ్మునకుగూడ
            రంగవల్లి యుద్ధరంగ మయ్యె.