తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Thursday 5 May 2011

శంకరాభ(పూ)రణం - చేయవలయు గురువు శిష్య పూజ

శ్రీ కంది శంకరయ్య గారు "శంకరాభరణం" బ్లాగునందు 06 -02 -2011 న ఇచ్చిన  సమస్యకు నా పూరణ.

               సమస్య:  చేయవలయు గురువు శిష్య పూజ.
    
ఆ.వె:   "లక్ష్మి పూజ నిపుడు లక్షపూవులతోడ
            చేయవలయు" గురువు "శిష్య! పూజ
            కొరకు తగిన పూలు కొనితెమ్ము" అనిచెప్ప
            సంత కేగి తేగ సంతసించె!

ఆ.వె:    చిన్ననాటి తనదు శిష్యుండు యొకనికి,
            ప్రీతి పుత్రి నిచ్చి పెండ్లి చేయ;
            వరుడు యతడు గాన,గురువు నేననకను
            చేయవలయు గురువు శిష్య పూజ!


ఆ.వె:    ఆబ్దికదినమునకు, అవసరార్ధమువచ్చె
            శిష్యు డొకడు గురువు చెప్పగానె,
            భోక్త యతడు, గాన భక్తితో తప్పక
            చేయవలయు గురువు, శిష్య పూజ!

ఆ.వె:   శిష్యుడేగురువుకు చెప్పక తనకుతా
            చేయవలయు; గురువు శిష్య పూజ
            గాని, దక్షిణలను గాని యిమ్మనుచును
            కోరడెపుడు;గురువు గొప్ప వాడు!

No comments: